انا مين ولا فين انا مين
وانا ماشى عمال بفكر لقيت شيخ حكيم
بيقلوالوا الشيخ امين
قالى مالك يابنى تايه ايوه تايه انت مين
قلتلوا انا محمد ولااحمد ولاحتى اسمى غريب
قالى فعلا شئ عجيب وغريب
قلتلوا انا فين
قالى فى زمان غير الزمان والمكان غير المكان
قلتلوا فهمنى اكتر انا تايه انا مين ولا فين
قالى يابنى الحال عجيب وغريب
الامان مبقاش امان والكل يابنى اصبح جبان
خايف يصحى ميلقيش حتى الرغيف
ولا حتى نقطه مايه ولا حتى الهوا النظيف
مش بقولك الزمان غير الزمان والمكان غير المكان
كنا زمان بيقلولنا مصر مخزن للغلال
وان هى الامن وهى مصدر الامان
تعالى يابنى بص شوف هو ده سبب الخوف
لقيت طابور طويل عريض الكل واقف عليه ملهوف
الكل واقف مستنى باين عليه الخوف
خايف يرجع زى امبارح مش معاه العيش مخبوز
امتلكنى الخوف وقلت احنا فين
قالى مش بقولك الزمان غير الزمان ومكان غير المكان
وشويه لقيت مظاهره ما شيه تنادى مصر حره
قولتله احنا فين احنا فى عهد احتلال
ضحك وقالى احتلال ايوه احتلال
احتلال غير لاحتلال واستعمار غير الاستعمار
قولتلوا فاهمنى اكثر انا فين والناس دى مين
قالى واضح انك غريب والزمان ده عجيب
ناس فى ايدها كل حاجه وناس مش لاقيه اى حاجه
ناس بنملك مال وجاه وناس الرغيف مش لقياه
ضحك وقالى عرفت انت مين ولا فين
قلتلوا انا انسان والمكان هو المكان والزمان هو الزمان
الزمان ده زمنا ونغيره حتى بدرعنا
والمكان ده مكنا ورثناه عن اجددنا
من كتاباتى الخاصه يريت اعرف رايكوا اللى يهمنى بصراحه