مربي فراولة للى عاملين دايت

المقادير
**********
-كيلو فراولة لانى بحبها اوى وهى اللى موجودة حاليا
- 5 معالق سكر سنترفيش
- 2لوح جيلاتين صغير من عند العطار او السوبر ماركت(اياكى تستخدمى الجيلى لانه مسكر)
2 كوب ماء
- برطمان كبير معقم

الطريقة
**********

نغسل الفراولة جيدا بعد نقعها بالماء لازالة الرمل المتواجد بها
- بجهز حلة بلاستيك او تيفال ونقطع الفراولة ونرص التقطيع على شكل طبقة ونضع معلقة سكر واحدة
- ونقعد نرص طبقة ومعلقة سكر وهكذا طبقة ومعلقة سكر واحدة حتى تنتهى الفراولة كلها
- نضعها بالتلاجة لتانى يوم اى نتركها بالتلاجة 24 ساعة حتى تنغمس الفراولة بالسكر وتطلع سكرها الطبيعى
- نضع اناء الفراولة اللى بالسكر على النار ونقلبه جيدا حتى تختلط الفراولة جيدا بسكرها والماء اللى نازل منها ونضع نص كوب ماء حتى تستوى جيدا
- ثم نضع كوب ونصف ماء يغلى على النار وعليه لوحين الجيلاتين حتى يثقل
- نضع الجيلاتين على الفراولة المستوية ونقلب جيدا حتى يختلطوا ببعضهم وتبقي تقيلة
ونتركها تبرد ثم تعبأ فى البرطمان السابق تعقيمه
*******
ما تخافيش الفراولة اصلا فيها سكر طبيعى سبحان الله ولما بنحط لها الخمس معالق سكر ونبيتها فيهم بتطلع الفراولة سكرها الموجود فيها يا سبحان الله وبتبقي مززة جداااااااا