زهقتى ومحتاره تطبخى ايه تعاااااااالى وانا اقولك

نبدا بسم الله...

الفراخ بالكارى:

المكونات: (فراخ مخلية حسب الكمية-فلفل رومى وجزر حسب الرغبة-كارى-دقيق-بصلة-توابل-مكعب ماجى)

الطريقة:تفرومى البصلة فى حلة مع وضع فلفل اسود ملح بسيط(بهارات) و حتة سمنة وتشوحيهم وتحطى معلقة دقيق و معلقة كارى كبيرة مع التقليبز
اول ما تحسى ان البصلة اتحمرت شوية تبتدى تحطى الفراخ المخلية بس الاول قطعيها لقطع صغيرة.
وبعدين ضيفى القليل من الماء مع التقليب لحد ما تحسى ان القوام بقى مناسب وبعدين تحطى الخضار المتقطع
تسيبها شوية هتغلى غلوتين كدة لحد ما الفراخ تستوى و القوام بتاع الكارى يتقل شوية
تكونة انتى بقى محضرة رز ابيض و طبق السلطة المعتبر و تكون احلى وجبة و مش هتاخد منك نص ساعة بالكتير


الحوواشى:

المكونات:لحم مفروم-بصلة مفرومة-فلفل رومى مدقوق-توابل-بقدونس مفروم حسب الرغة-وطبعا خبز شامى

الطريقة: تشواحى البصلة مع التوابل و الفلفل الرومى المدقوق و بعدين تضيفى عليهم اللحم المفروم مع وضح قليل من المية وخالى باللك اوعى المللح يخونك متزوديش

بعد ما تستوى تكونى محضرة الخبز و مسماه نصفين و تجيبى صنية مسطحة وتفرشيها بورك الزبدة وترصى الخبز وتخطيه بالورق تانى

لو مش متوفر ورق الزبدة ممكن تفرشى ورق المونيوم بس ادهنيه انتى بالزبدة وخطيه بورق مدهون بالذبدة تانى ويستحسن برضوا انك تدهنى الخبز نفسه بالزبد بس بسيط اوى

تكونى مسخنة الفرن و تحطيه فيه و تبعيه اوعى يتحرق منك ابقى قلبيه كل شوية

كفتة مع البطاطس المحمرة:

نفس الخلطة بتات الللحم المفروم بتاعت الحوواوشى بالظبط بس طبعا هتهرسيها و هى نية و تعمليها صوابع واحرسى انها تكون مغرومة من النص يعنى تصبحعيها على حاجة طويلة عندك

تدهنى الصنية بالسمنة بسيط اوى و ترسى الكفتة و لو عندك فحم ولعى فحمة و حطيها فى فنجان قهوة فيه قليل من الزيت وحطيها فى وسط الصنية قبل ما تحطيها ع النار و غطيها خمس دقائق و بعدين تشيلى الفنجان و تسويها ع النار مع التقليب

ولما تستوى نشفيها شوية فى الفرن هتبقى زى الكفتة المشوية فى رحتها و طعمها

وجمبها شوية بطاطس محمرة وعيش سخن

ان شاء الله هبقى اكملكو بقيت الاكلات اللى بتخلص بسرعة عشان الملل

و اوعو تنسوا ان طبق السلطة رئسى فى كل الاكلات لانه بيملى البطن و كمان مفيد

وياريت تعملوا كمان جمب الكفتة و الحواوشى طحينة لزوم اللذاذة و طريقتها سهلة

طحينة مع دوم مدقوق مع قلل من الخل ما قليل من الماء المغلى مع بهارات و بقدونس مفروم لو فيه مع التقليب المستمر حتى تحصلى على القوام المناسب

وبالهنا والشفا...

ممممممممممممم
تسلميدك جوعتينى

سلمت يداكى